Saint Geniez d’Olt

Chanson del MAZUC (le Buron) pour ceux qui aiment la lengo nostro

Al puech amont sus la montanha,
Al miech de cada pastural,
Dins l’herba espessa e las gentianas
Trobaretz un traça d’ostal.
Lo cantalés, le bedelier ambe lo pastre
I possan des cranes « ahucs »
Aqui l’avetz nostre mazuc.
Quan dintraretz dins la cosina,
I veiretz coma mobilier
Altorn d’una taula pauc fina
Los bandinhos e los colliers.
A sul darrier, dins lo terrier
La bona cava
Dins la frescor e dins lo crum
Garda la forma del mazuc
E tot amont jos la tiulada
Al ras del fen pel bedelos
Cadun plegat dins sa flessada
Los omes barran los uelhos
Quan dins la nuech buffa
En gisclet la cantalesa
Darrier lo pargue e rescondut
S’enduern lo tropel del mazuc. E lo matin, plan revelhasts
Dins l’aubiera e los peds nuds
Ambe la gerla e lo farrat
S’envan los omes del mazuc
Quan los bedels an fach
Un briach d’una tetada
Cada tetina sul farrat
Es una brava font de lach.
Quan à la fin d’un despartit
Tastaretz la forma d’Aubrac
Pensaretz que ser e matin
Les cantales an trimat
Per vos donar coma dessert
Lo bon fromatge
E cantaretz leu un à un
Viva los omes del mazuc
Viva totes los cantaleses
Que fan la forma e l’encalat
E los pastres de las devezas
Al miech de lor tropel l’Aubrac
Viva los rols, los bedeliers
E mai los pastres
E que totjorn sus cada truc
Se quilhan dreches los mazucs.